Ögranir lífs þíns geta orðið blessun þín vegna þess þroska sem verður í kjölfar þeirra

Það getur verið að þú hafir ekki hugmynd um það hveru mikla blessun lífsins straumar geta borið í kjölfar mikilla erfiðleika.

Þú getur neyðst til að endurskoða líf þitt.

Þú getur þurft að þjálfa þig í að lifa hér og nú og aftengja þig því að ná ákveðinni niðurstöðu eða árangri.

Þú getur þurft að setja í forgang að lifa í jafnvægi, gera eitt í einu, sinna vel um líkama þinn og treysta innsæi þínu.

Þú getur lært að líta á alla hluti sem jafn mikilvæga og að líta svo á að allt passi saman og að þér sé óhætt að gefa frá þér stjórnina. Þú getur sleppt tökum á því sem hefði getað orðið. Allt er eins og það á að vera.

Þú getur náð sátt við þögnina og þjálfað þig í að segja það sem þú vilt segja frá hjartanu.

Þú getur skipulagt daginn eins og andinn blæs þér í brjóst hvert sinn.

Við hjá Sálarró.is keppum að því með þér að ná að lifa í jafnvægi.